Riposa segnore
Dormi fizzu amadu
O verbu incarnadu
Nattu redentore
Pro su peccatore
Cuminzas sa via
Anghelos Cantate a su
izzu de Maria ...
Partu su prus santu
De eterna memoria
Ode santa gloria
De su chelu ispantu
Sias foras de prantu
De luttu e angustias
Anghelos Cantate a su
izzu de Maria ...
Ses biancu giarminu
Odorosu e bellu
Retrattu divinu
De su Padre Eternu
Naschitu in s’iverru
Propiu a bizzaria
Anghelos Cantate a su
izzu de Maria ...
Sos supremos coros
De sos serafinos
Cun durches clarinos
Bellos e decoros
Suscitan sonoros
Cantos de allegria
Anghelos Cantate a su izzu de Maria ...
De Cristos lughe increata
sezis dorata aurora
Amparadennos Segnora
Virgo de s’Annunziada
Sezis de grazias mare
Sezis de grazias mina
Sezis cura e meichina
Chin portentos singulares
Sezis norte pro ghiare
S’anima canno atterrada
Amparadennos Segnora
Virgo de s’Annunziada
In chelu e in terra esaltada
Soverana impera dora
Amparadennos Segnora
Virgo de s’Annunziada
Registrazione: Sollacaro, Corsica 14-15 Settembre 2012